البوست الثاني من سلسلة بوستات
المواضيع المتعلقه بالتسوق و المنتجات
الجديده اللي شريتها سواء
بعالم المكياج او منتجات طعام جديده
مشترياتي هالمره من بوتس ..
اعواد قطن ( 600 فلس )
شامبو بوتانكس ( دينار و نص )
كريم مرطب للعين بوتانكس ( دينار )
قناع للوجه “بالفراوله” ( 600 فلس )
قناع للوجه “اكليل الجبل و البندق” ( 600 فلس )
كريم ليلي للأيدي و الاظافر بوتانكس ( دينار و 750 فلس )
بالم للوجه بوتانكس ( 900 فلس )
صبغ اظافر “بيس و توب كوت” (دينارين و 750 فلس )
اعواد القطن عليهم عرض فأخذت 3 علب
الشامبو ماجربته بس ماركة بوتانكس وايد زينه و الحلو انها عضويه
كريم العين ماركة بوتانكس سعره حلوه فاخذته اجربه
بالم الوجه اخذت بناء على نصيحة مدونة ترتر انا بشرتي جافه حيل
و كاتبه انه زين للبشره الجافه و بعد شفت في مدونه اجنبيه انها
تستخدمه كـ مزيل للمكياج
اقنعة الوجه ماجربتهم ليلحين
كريم ليلي للايد ليلحين ماشفت نتيجته لان صارلي يومين استخدمه بس
صبغ اظافر
Base coat & Top coat
كان عندي واحد بس عطيتهم امي
البيس “اساس” الاظافر شي ظروري تحطونه قبل الصبغ عشان
ما يختربون اظافركم و مهم حدا جدا اذا بتحطون
صبغ احمر لان الصبغ الاحمر يترك اثر عالظفر و مايروح بسهوله
و التوب “ملمع” ملمع للصبغ و يحافظ عليه من التقشر